Hvað viltu láta gera? Við viljum láta gróðursetja stór tré í Norðlingaholtinu Hólavaðs og Hólmvaðs megin við aðalgötuna. Hvers vegna viltu láta gera það? Norðlingaholtið er fallegt hverfi og það er hægt að gera götumyndina mun hlýlegri og fallegri á þessum stað og víðar í hverfinu. Margir íbúar hverfisins ganga þennan göngustíg og trén gætu einnig veitt skjól í miklum vindi sem er oft á þessum stað. Ekki er mikið af trjám innan hverfisins þó það sé mikið af þeim í nærumhverfinu. Okkur þætti fallegt að fá fleiri tré sem yxu og yrðu stór og falleg með árunum. Eins og maður sér í öðrum eldri hverfum. Hugmyndin kemur frá konum sem búa og starfa í Norðlingaholtinu.
This content is created by the open source Your Priorities citizen engagement platform designed by the non profit Citizens Foundation