Hvað viltu láta gera? Ætlunin er að gera varanlegan parkour völl sem myndi bæði nýtast til íþróttaiðkunnar og sem hreystistöð ásamt því að glæða hverfið auknu mannlífi Hvers vegna viltu láta gera það? Parkour er ört stækkandi íþrótt sem gengur út á að komast yfir hindranir án nokkurs aukabúnaðar. Helsta markmið íþróttarinnar er að öðlast fullkomna hreyfifærni og yfirstíga áskoranir, bæði líkamlegar og andlegar, í gegnum endurtekningu og fullkomnun. Íþróttin og félagskapurinn í kringum hana hefur lengi verið athvarf fyrir krakka sem finna sig ekki í öðrum íþróttum vegna þess hve opin íþróttin er og án áherslu á keppni. Hingað til hafa helstu æfingasvæði iðkenda verið veggir og handrið borgarinnar en í sumar var settur upp tímabundinn parkour völlur í Laugardalnum sem vakti mikla lukku bæði fyrir iðkendur og almenning. Í mörgum löndum þar sem íþróttin er orðinn fjölmenn hafa verið settir upp parkour-vellir og parkour-salir, svæði sem tileinkuð eru iðkunn íþróttarinnar. Þessi svæði hafa aukið mikið við mannlíf og styrkt íþróttina í þeim löndum. Markmiðið með að setja upp varanlegan parkour völl er að bjóða upp á frumlegan hreyfikost fyrir börn og fullorðina ásamt því að gera íþróttina sýnilegri. Þó að völlurinn yrði kjörinn aðstaða til að æfa parkour mætti líka nota hann til annarar hreyfingar eins og þrekæfinga.
Sonur minn æfir parkour og það eru alltaf fleiri og fleiri krakkar að bætast í æfingahópinn. Þetta er rosa flott íþrótt og krakkarnir eru mjög spenntir fyrir henni en geta lítið æft sig fyrir utan æfingatímana vegna aðstöðuleysis. Það er því nauðsynlegt að fá parkourvöll sem fyrst svo þau geti æft sig við öruggar aðstæður.
Parkour er hreyfing sem er að koma sterk inn og vantar virkilega staði til að iðka þetta sport á öruggann máta og góðar aðstæður
Mikilvægt skref í átt að líðheilsu barna á höfuðborgarsvæðinu.
Þetta er frábær hugmynd sem myndi efla lýðheilsu og efla það flotta starf sem á sér stað hjá Fylki Parkour. Aðrir gætu líka notfært sér völlinn
skemmtilegt!
This content is created by the open source Your Priorities citizen engagement platform designed by the non profit Citizens Foundation